ریاست هواشناسی وزارت ترانسپورت و هوانوردی طالبان، امروز (دوشنبه) از احتمال وقوع باران شدید، سیلاب‌های آنی و بادهای شدید همراه با گرد و خاک، در چندین ولایت کشور، خبر داد.
بر بنیاد خبرنامه‌ی این ریاست، احتماال وقوع باران به مقدار 10 تا 25 میلی‌متر، در ولایت‌های تخار، بغلان، سمنگان، سرپل، بامیان، دایکندی، غور، ننگرهار، لوگر و پکتیا تا روز سه‌شنبه (9 ثور) وجود دارد.
ریاست هواشناسی طالبان همچنان هشدار داده که احتمال وقوع بادهای شدید در ولایت‌ها شمالی، غربی، جنوب‌شرقی و مرکزی کشور، به‌شمول سالنگ‌ها، وجود دارد.
سرعت این بادها، بین 50 تا 100 کیلومتر در ساعت پیش‌بینی شده‌است.
