رسانهی هندی اکونومیک تایمز در گزارشی نوشتهاست که در پی تنشهای پسین میان پاکستان و طالبان، اسلامآباد بهدنبال گسترش روابط با تاجیکستان با رویکردی «ضد طالبان» است.
بهگفتهی این رسانهی هندی، پاکستان در جستوجوی راههایی برای برقراری روابط با «جبههی مقاومت» به رهبری احمد مسعود است.
تایمز همچنین گزارش میدهد که امامعلی رحمان، رئیسجمهوری تاجیکستان روز دوشنبه با ژنرال محمد عاصم، رئیس سازمان استخبارات نظامی پاکستان یا «آیاسآی» دیدار کردهاست.
بهگفتهی این رسانه، پاکستان میخواهد در همکاری با تاجیکستان موازنهای در برابر «طالبان» ایجاد کرده و توازن قوا در افغانستان را تغییر بدهد.
در این گزارش همچنین آمده است که تاجیکستان بهرغم نداشتن روابط دیپلماتیک با طالبان، نگرانیهایی در مورد گسترش فعالیتهای گروه شبهنظامی «جماعت انصارالله» دارد.
براساس گزارش اکونومیک تایمز، رئیسجمهوری تاجیکستان و رئیس آیاسآی در این دیدار در مورد ایجاد توازن قدرت در افغانستان و همکاریهای مرتبط به این مسئله گفتوگو کردهاند.
این گزارش درحالی بهنشر میرسد که درگیریهای پسین میان طالبان و پاکستان گمانهزنیهای زیادی را در مورد آیندهی این حاکمیت بهوجود آوردهاست.
