کمیته‌ی پناه‌جویان افغانستان در دوشنبه: اخراج مهاجران از تاجیکستان واقعیت ندارد

مصور بهادری، رییس کمیته‌ی پناه‌جویان افغانستان در دوشنبه، شایعات اخراج مهاجران افغانستان از تاجیکستان را رد کرد.

او در گفت‌وگو با رسانه‌ی «آسیا پلاس»، تاکید کرد که هیچ مهاجری برای شکایت از اخراج، به این کمیته مراجعه نکرده است.

سفارت افغانستان در دوشنبه که تحت کنترول دیپلومات‌های دولت پیشین است، به «آسیات پلاس» گفت که درباره‌ی «اقدامات اتخاذشده از سوی مقام‌های تاجیکستان در قبال مهاجران» اطلاعی ندارد.

پیش از این شماری از رسانه‌های داخلی گزارش داده بودند که دولت تاجیکستان همزمان با آن‌که مهلت 15 روزه برای خروج داوطلبانه‌ی مهاجران افغانستان تعیین کرده، دست به بازداشت و اخراج اجباری آن‌ها نیز زده است.

هم‌اکنون دو کشور همسایه که میزبان بیشترین تعداد مهاجران افغانستان در جهان‌اند، در حال اخراج آن‌هاست. ایران به‌شدت این روند را اجرا می‌کند، به‌نحوی‌ که پیشتر سازمان بین‌المللی مهاجرت گفت که در 5 هفته، نزدیک به 450 تن را اخراج کرده است.

مهاجران هم در شرایطی به کشور بازگردانده می‌شوند که افغانستان درگیر «بحران چندلایه‌ای» است.