کرزی برای هم‌دردی با سراج‌الدین حقانی به پکتیا رفت

حامد کرزی، رئیس‌جمهوری پیشین افغانستان امروز به‌قصد «‌هم‌دردی» و «فاتحه‌» به منزل سراج‌الدین حقانی، وزیر داخله‌ی طالبان و رهبر شبکه‌ی حقانی در پکتیا رفته‌است.

حساب کرزی در شبکه‌ی اجتماعی ایکس در این مورد نوشته‌است که کرزی مرگ خلیل‌الرحمان حقانی را به خانواده‌ی او تسلیت گفته و با آنان غم‌شریکی کرده‌است.

کرزی در این دیدار هم‌چنین به خلیل‌الرحمان حقانی بهشت و به بازماندگان او صبر استدعا کرده‌است.

کرزی درحالی به‌عزم تسلیت‌گویی به خانه‌ی سراج‌الدین حقانی می‌رود که در سه سال گذشته او از منتقدان اصلی سیاست‌های طالبان در افغانستان بوده و مکرراً خواستار گشایش مکتب‌های دختران افغانستان شده‌است.